لاہور(سپورٹس رپورٹر)پی سی بی نے قومی کرکٹر نسیم شاہ اور وسیم جونیئر کی وسپر چیلنج کی دلچسپ ویڈیو شیئر کردی۔ نسیم شاہ اور وسیم جونیئر ایک دوسرے کو وسپر چیلنج یعنی سرگوشیوں میں بولنے کا چیلنج دے رہے ہیں۔نسیم شاہ نے وسیم جونیئر کی اردو کو کمزور قرار دیا اور کہا کہ اگر کان میں نہ بھی کچھ لگا ہو تو وسیم کی اردو سمجھ نہیں آتی۔اس دوران دونوں کرکٹرز نے ایک دوسرے کو سرگوشیوں میں جملے بولے اور خوب ہنسی مذاق کیا۔ویڈیو میں دیکھا جاسکتا ہے کہ نسیم شاہ کی بھی اردو کمزور ہے اور وہ کہتے ہیں دن دْگنی رات جْگنی ترقی کرو۔