سرائیکی ایریا سٹڈی سنٹر بی زیڈ یو میں ادبی فورم کی تشکیل‘ سلیم ناز صدر منتخب 

ملتان ( خصوصی رپورٹر) سرائیکی ایریا سٹڈی سنٹر جامعہ زکریا کا خصوصی اجلاس زیر صدارت ڈائریکٹر شعبہ پروفیسر ڈاکٹر نسیم اختر منعقد ہوا۔جس میں ایم فل ایوننگ اور ایم فل ویکینڈ کے سکالرز نے شرکت کی۔ پروفیسر ڈاکٹر نسیم اختر نے کہا کہ سرائیکی شعبے میں علمی و ادبی سر گرمیوں کے فروغ کے لئے ایک فورم تشکیل دیا جا رہا ہے تاکہ ایم فل سکالرز کو اپنی صلاحیتوں کے اظہار کے مواقع حاصل ہو سکیں۔بعد ازاں پروفیسر ڈاکٹر اختر بخاری کے زیر نگرانی فورم کے عہدیداروں کا چناؤ سکالرز کی متفقہ رائے سے کیا گیا جس کے مطابق سلیم ناز صدر‘ حجاب زہرہ خاتون صدر، علی رضا سینئر نائب صدر ، خالد نجیب نائب صدر ،  علی عباس جنرل سیکرٹری، ارم سلیم جوائنٹ سیکرٹری، محمد امجد فنانس سیکرٹری، اقصیٰ عزیز اور عبدالقادر بخش انفارمیشن سیکرٹری منتخب ہوئے۔