ڈگری(نامہ نگار) حیسکو ڈگری کا نادہندگان کے خلاف آپریشن ، سب ڈویژن ڈگری کے مختلف فیڈرز پر نادہندگان کے کنکشن منقطع کردیے، لاکھوں روپے کی ریکوری ۔ تفصیلات کے مطابق سب ڈویڑن ڈگری میں حیسکو سب ڈویڑن ڈگری کی جانب سے دیھ 178 ، کاچھیلو،  انب موری و دیگر فیڈرز کے درجنوں دیہاتوں کے حیسکو نادہندگان کے خلاف ایکسئین حیسکو سہیل احمد شیخ،  ایس ڈی او عاشق کلر،  ایل ایس محمد اسحٰق اور عمران خان کی ٹیم نے ریکوری آپریشن کا آغاز کرتے ہوئے بجلی کے بلوں کی عدم ادائیگی پر بجلی کے کنکشن منقطع کرنے کے ساتھ لاکھوں روپے بقایاجات کی مد میں ریکوری بھی کی ۔ ایکسئین سہیل احمد شیخ کے مطابق حیسکو نادہندگان کے خلاف یہ آپریشن مزید تیز کیا جائے گا حیسکو کی مختلف ٹیمیں بقایاجات کی ریکوری کے لیے ہر فیڈر پر متحرک ہیں اس ضمن میں کوئی رعایت نہیں برتی جائے گی انکا کہنا تھا کہ حیسکو صارفین اپنے بقایاجات فوری ادا کریں تاکہ کسی بھی  کاروائی اور پریشانی سے محفوظ رہ سکیں۔