کریکٹر ایجوکیشن فانڈیشن کا آغوش کالج مری کا دورہ

اسلام آباد (نامہ نگار)کریکٹر ایجوکیشن فانڈیشن کے وفد نے الخدمت فانڈیشن پاکستان کے زیر انتظام آغوش کالج مری کا دورہ کیا۔ پرنسپل آغوش کالج مری اعظم خان نے معزز مہمان کا استقبال کیا۔ پرنسپل نے انہیں کیمپس کے مختلف حصوں، اکیڈمک بلاک اور ہاسٹل بلاک کا تفصیلی دورہ کرایا،مقاصد اور ماسٹر پلان کے بارے میں تفصیلی بریفنگ دی۔اس موقع پر کیریکٹر ایجوکیشن فانڈیشن نے بچوں کی دلچسپی کو مدنظر رکھتے ہوئے "بچوں کے لئے سیرت کہانی" کے نام سے کتاب، ورک شیٹ اور ویڈیوز پر مشتمل ایک کورس مرتب کیا ہے جس کو ابتدائی تجربے کے طور پر آغوش کالج مری کی ششم جماعت میں شروع کیا گیا ہے۔ اسی سیرت النبی کلاس کا پہلی مرتبہ جائزہ لینے کے لئے عبداللہ کاکا خیل(ریسرچ آفیسر کیریکٹر ایجوکیشن فانڈیشن)اور راجہ اکرم(ریسرچ ایسوسی ایٹ کیریکٹر ایجوکیشن فانڈیشن)کالج تشریف لائے اور سیرت النبی کلاس کا جائزہ لیا۔ جس کے دوران بچوں سے مختلف سوالات کئے گئے اور آخر میں بچوں کی جانب سے کئے جانے والے سوالات کے جوابات بھی دیئے ۔