سابق وزیراعلیٰ بلوچستان عبدالقدوس بزنجو ساتھیوں سمیت پیپلز پارٹی میں شامل 

کوئٹہ (نوائے وقت رپورٹ) سابق وزیر اعلیٰ بلوچستان میر عبدالقدوس بزنجو نے ساتھیوں سمیت پاکستان پیپلز پارٹی میں شمولیت کا اعلان کر دیا۔ سابق وزیر اعلیٰ بلوچستان میر عبدالقدوس بزنجو نے کہا کہ پیپلز پارٹی کے کوئٹہ میں کامیاب جلسہ پر پوری قیادت کو مبارک باد دیتا ہوں۔ ایوب سٹیڈیم میں تاریخی جلسہ نے ثابت کر دیا کہ بلوچستان کے عوام کی امیدیں پیپلز پارٹی سے وابستہ ہیں۔ پپیلز پارٹی میں ساتھیوں کے ساتھ شامل ہو رہا ہوں، بلوچستان میں پیپلز پارٹی اچھی پوزیشن کے ساتھ میدان میں اتری ہے۔