لندن (اے پی پی)ہالی وڈ کی ایمی اور گریمی ایوارڈ یافتہ امریکی اداکارہ سنتھیا نکسن نےغزہ میں جنگ بندی کے لیے وائٹ ہاس کے سامنے بھوک ہڑتال پر بیٹھ گئیں۔برطانوی  خبر رساں ادارے دی گارڈین کے مطابق ایمی اور گریمی ایوارڈ یافتہ امریکی اداکارہ سنتھیا نکسن نے غزہ میں مستقل جنگ بندی کے لیے وائٹ ہاس کے سامنے بھوک ہڑتال شروع کر دی ہے۔انہوں نے کہا کہ بھوک ہڑتال کا مقصد دنیا بھر میں غزہ کے شہریوں کو غذائی قلت سے متعلق آگاہ کرنا ہے۔اداکارہ نے کہا کہ غزہ میں یقینا بہت سے لوگ بمباری کی وجہ سے مر رہے ہیں جبکہ متعدد لوگوں کو خوراک نہیں مل رہی اور وہ بھوکے رہنے پر مجبور ہیں۔ انہوں نے کہا کہ انہی وجوہات کے باعث ہم بھوک ہڑتال کر رہے ہیں تاکہ غزہ کی ہولناک صورتحال کو اجاگر کیا جا سکے۔انہوں نے کہا کہ غزہ میں اسرائیل جو کر رہا ہے وہ حقیقت میں نسل کشی ہے، ہمارا مطالبہ فوری جنگ بندی کا ہے تاکہ لوگوں کی زندگیوں کو بچایا جا سکے۔