کراچی میں سی ویو پر آئل ریفائنری کی پائپ لائن میں لیکج کے باعث فرنس آئل سڑک پر پھیل گیا تاہم کچھ دیر بعد لائن کی مرمت کردی گئی۔ایس ایس پی ساؤتھ کے مطابق سی ویو روڈ پر پاکستان ریفائنری کی لائن میں لیکج صبح 6 بجے ہوئی تھی، فرنس آئل سروس روڈ اور قریبی رہائشی عمارت میں بھی داخل ہو گیا تھا۔لیکج کی اطلاع پر آئل ریفائنری اور ڈی ایچ اے کا عملہ تیل کے رساؤ کے مقام پر پہنچا تھا۔آئل ریفائنری کے ذرائع کا کہنا ہے کہ آئل بہنے کی اطلاع پر تیل کی پمپنگ رکوا دی گئی تھی جبکہ متاثرہ سروس روڈ کو سیل کردیا گیا تھا۔پاک ریفائنری کے ایم ڈی زاہد میر نے بتایا تھا کہ سی ویو سروس روڈ پر ریفائنری لیکیج کی مرمت کے لیے ٹیم روانہ کر دی گئی تھی، معاملے کی تحقیقات شروع کر دی گئی ہیں۔