نئی دہلی (اے پی پی) دہلی ڈیئر ڈیولز نے رواں برس شیڈول انڈین پریمیئر لیگ (آئی پی ایل) کے گیارہویں ایڈیشن کیلئے سابق آسٹریلوی آل رائونڈر جیمز ہوپس کو نیا بائولنگ کوچ مقرر کر دیا۔ ہوپس کو 84 ون ڈے اور 12 ٹی ٹونٹی بین الاقوامی میچوں میں کینگروز کی نمائندگی کا اعزاز حاصل ہے، اس کے علاوہ وہ آئی پی ایل میں دہلی سمیت تین مختلف ٹیموں کی نمائندگی بھی کر چکے ہیں۔ انہوں نے 2016ء میں انٹرنیشنل کرکٹ سے ریٹائرمنٹ کا اعلان کیا تھا۔ دہلی ڈیئر ڈیولز کے چیف ایگزیکٹو آفیسر نے بھی جیمز ہوپس کی بطور بائولنگ کوچ تقرری کی تصدیق کی ۔