EOBI کے پنشنرز کی پنشن میں اضافہ کی اپیل

مکرمی! عرض گزار ہوں کہ ہم EOBI کے مظلوم پنشنر کی پنشن سابقہ حکومتوں کے ادوار میں باقی تمام پنشنروں کی کم از کم پنشن کے برابر ہوتی تھی۔ مگر جب سے (ن) لیگ کی حکومت آئی ہے انہوں نے ہماری پنشن۔5250/ روپے پر جام کر دی ہے۔ یہ کہ بوڑھے لوگ اس قابل بھی نہیں کہ عدالتوں سے رجوع کرنے کے لئے وکلاء کی بھاری بھر کم فیس ادا کر سکیں ہماری تو امید صرف آپ ہی ہیں کیونکہ آپ ملک کے منصف اعلٰی ہیں۔ آپ سے دردمندانہ اپیل ہے کہ ازخود نوٹس لے کر ہمیں انصاف فراہم کروانے کا حکم صادر فرمائیں۔ نیز دوسروں کی طرح مہنگائی کے تناسب سے ہر سال اس میں اضافہ کرنے کا بھی حکم صادر فرمائیں۔(رانا تجمل خاں… آل پاکستان اولڈ ایچ بینی فٹس پنشنرز ویلفیئر ایسوسی ایشن پتہ: مکان P/229 گلی 5 محلہ احمد آباد فیصل آباد موبائل: 0300-9658595)