جنوبی کوریا چمڑے کی فیکٹری میں آتشزدگی ، 2 افراد ہلاک 8 زخمی

سیول( آن لائن ) جنوبی کوریا میں چمڑے کی ایک فیکٹری میں دھماکے اور آتشزدگی کے نتیجے میں دو افراد ہلاک جبکہ آٹھ زخمی ہوگئے ۔ غیر ملکی خبررساں ادارے کے مطابق سیول میں واقع چمڑے کی فیکٹری میں بوائلر پھٹنے کے باعث آگ بھڑک اٹھی جس کے نتیجے میں دو افراد ہلاک جبکہ آٹھ زخمی ہوگئے زخمیوں کو فوری طور پر ہسپتال داخل کردیاگیا۔ آگ لگنے کی وجوہات جاننے کیلئے تحقیقات شروع کردی گئی ہیں۔