انکم سپورٹ اسکیم سے بینظیر بھٹو کا نام ہٹانے پرپیپلزپارٹی کا شدید ردعمل

پاکستان پیپلزپارٹی نے انکم سپورٹ اسکیم سے بینظیر بھٹو کا نام ہٹانے پر شدید ردعمل کا اظہار کیا اورکہا ہے کہ شوکت خانم اسپتال کا نام بھی بدلا جائے وہ بھی تو عوام کے پیسے سے چلتا ہے۔رکن قومی اسمبلی نفیسہ شاہ نے ایک بیان میں کہا کہ پہلے ایئرپورٹ اور اب انکم سپورٹ اسکیم سے بھی شہید بینظیر بھٹو کا نام ہٹادیا گیا۔ شہید بینظیر بھٹو کے نام سے آخر عمران خان کو اتنی نفرت کیوں ہے؟ شوکت خانم اسپتال بھی تو عوام کے پیسے سے چلتا ہے تو اس کا نام کیوں نہیں بدلتے؟نفیسہ شاہ نے مزید کہا کہ عمران خان انکم سپورٹ سے شہید بینظیر بھٹو کا نام مٹاسکتے ہیں مگر عوام کے دلوں سے نہیں۔