باغبانپورہ :گھر میں آتشزدگی، میاں بیوی2بچوں سمیت جھلس گئے

لاہور (نامہ نگار) باغبانپورہ کے علاقہ میں دربار مادھو لعل حسین کے قریب شاہد کے گھر میں گیس لیکیج کی وجہ سے آگ بھڑک اٹھی۔ جس کی زد میں آ کر 31 سالہ شاہد، اس کی 24 سالہ بیوی فرزانہ، 4 سالہ بیٹا علی رضا اورایک سالہ بیٹا زین جھلس کر شدید زخمی ہوگئے ہیں۔ اطلاع ملنے پر امدادی ٹیموں نے موقع پر پہنچ کر آگ پر قابو پالیا اور زخمیوں کو ہسپتال داخل کرا دیا گیا۔ جہاں زخمی شاہد کی حالت تشویشناک بتائی جاتی ہے۔