اڈیالہ (نا مہ نگار) وفاقی وزیر ہوابازی غلام سرور خان نے کہا ہے کہ 2023 بھی تحریک انصاف کا ہو گا ،آپ بلدیا تی الیکشن کی تیاری کریں ،پی ٹی ایم چلے کارتوس ہیں ،تحریک انصاف کا کچھ نہیں بگاڑ سکتے ،ہماری قیادت کا دامن صاف ہے اور آنے والی نسلوں کے خوشحال اور محفوظ مستقبل کی ضامن ہے ،رنگ روڈ سے علا قے کی تقدیر بدلے گی ،انڈسٹریل زون بنیں گے ،نو کر یاں ملیں گی اور علا قہ ترقی کر ے گا ،ہم سیاست کو عبادت سمجھتے ہیں اور دیا نتداری سے کر تے ہیں ،اگلے اڑھائی سال میں ہر گھر میں بجلی اور گیس ہو گی ۔یونین کونسل اڈیالہ کے گائوںخصالہ کو دوکروڑ روپے کی لا گت سے سوئی گیس کی فراہمی کے منصوبے کا افتتاح کر تے ہوئے انہوںنے کہا کہ ۔ این اے 63 اوراین اے 59 میں قومی اور صوبائی اسمبلی کا الیکشن ہم نے جیتا ہے اور انشاء اﷲ بلدیاتی الیکشن بھی ہمارا ہو گا ،آپ بلدیاتی الیکشن کی تیاری کریں ،تمام کام بلا تفریق ہو نگے کوئی گھر ترقیاتی کا موں سے نہ رہ جائے جس نے ووٹ دی ہے یا نہ دی سب کے کام ہو نگے۔افتتاحی تقریب کے بعد جلسے کا اہتمام الحاج ملک افتخار احمد سابق ممبر ضلع کو نسل اور رہنما پی ٹی آئی راجہ جہا نگیر سابق امید وار کو نسلر نے کیا تھا۔جلسہ سے خطاب کر تے ہوئے ملک افتخار نے کہا کہ 2 کروڑ سے سوئی گیس کی فراہمی ،ساڑھے 4 کروڑ سے گلیاں ،دیواریں ،50 لا کھ سے اضافی بجلی کے فراہمی پر غلام سرور خان کے مشکور ہیں ،جبکہ راجہ جہا نگیر نے بھی وفاقی وزیر کا شکریہ ادا کیا ،سٹیج سیکرٹری کے فرائض راجہ حشمت نے انجام دئیے اور اس موقع پر با بوریاض نے غلام سرور خان کو پگڑی پہنائی ،سابق ایم پی اے خا ن شفیق خان ،شاہ رخ صدیق حیات خان ،سابق امید وار پی پی 10 چوہدری افضل پڑیال ،چیف کو اڈ نیٹر این اے 59 بر گیڈئیر (ر)طارق زمان ،ملک نعیم ،حیدر مہدی راجہ ،راجہ عمران جاوید ،راجہ کا مران رفیق وکی ،ملک سعید انور ،چوہدری نذیر ،راجہ خضر ،راجہ تصدق ،راجہ زبیر ،راجہ با بر سلطان ،راجہ عثمان ٹائیگر و دیگر سیاسی شخصیات سمیت معززین علا قہ کی کثیر تعداد نے شرکت کی ۔