فیروز والہ : ڈکیتی ‘چوری کی متعدد وارداتیں ‘شہری لاکھوں نقدی ‘قیمتی اشیاء سے محروم

فیروزوالہ(نامہ نگار) ڈکیتی ، راہزنی اور چوری کی متعدد وارداتوں میںڈاکوئوں کی لوٹ مار‘ لاکھوں روپے مالیت کے زیورات ، نقدی اور دیگر قیمتی سامان لوٹ کر لے گئے۔ رانا ٹائون کے قریب ڈاکوئوں نے کار سوار عباس شاہ سے گاڑی اور نقدی چھین کر لے گئے۔ کوٹ عبدالمالک کے قریب ڈاکوئوں نے الطاف کو روک کر موٹر سائیکل ، نقدی چھین لی۔ ڈاکوئوں نے مریدکے کے قریب تین افراد کو روک کر نقدی، موبائل فون اور دیگر سامان چھین لیا۔ چوروں نے دکاندار حاجی افضل کی دکان کے تالے توڑ کر 30ہزار روپے نقدی اورسگریٹ و دیگر سامان چوری کرلیا،تھانہ فیکٹری ایریا کے علاقہ پھولوں والے بازار کے قریب3مسلح افراد نے راہگیر افضل سے نقدی موبائل فون، کوٹ عبدالمالک میں 3مسلح افراد محنت کش شہباز سے نقدی موبائل فون، آرائیانوالہ میں 3مسلح افراد محنت کش کاشف سے نقدی موبائل فون، محلہ رحمانپورہ میں 3مسلح افراد نوجوان عاقب سے نقدی موبائل فون، آرائیانوالہ میں 3مسلح افرادراہگیر عرفان سے نقدی موبائل فون‘ محلہ معراجپورہ میں 3مسلح افراد ندیم سے نقدی موبائل فون، کالوکے روڈ پر3مسلح افرادمحنت کش آصف سے نقدی موبائل فون، چٹی کوٹھی روڈپر2مسلح  افرادطالبعلم اسد سے نقدی موبائل فون،بائی پاس شاہین ولا ز کے قریب3مسلح افراد حمید سے نقدی موبائل فون، رانا ٹاؤن میں 3مسلح افرادکامران سے نقدی موبائل فون چھین کرفرار ہو گئے۔ برکی روڈ پر مدثر ملک کی دکان کے تالے توڑ کر نامعلوم چور30ہزار روپے نقدی اورقیمتی سامان چرا کرفرار، فیضان نگر میں نامعلوم چورنصیر احمد کے گھر کے تالے توڑ کر نقدی اورقیمتی سامان چراکرفرارہوگئے۔شہری وارداتوں کیخلاف بے بس ہیں ۔