میڈیا سٹڈیز کے طلبہ کا مطالعاتی دورہ پنجاب سیف سٹیز اتھارٹی 

لاہور(نامہ نگار)میڈیا سٹڈیز کے طلباء وطالبات کے وفد نے پنجاب سیف سٹیز اتھارٹی کا مطالعاتی دورہ کیا۔وفد میں 25 میڈیاسٹڈیز کے طلباء اور اساتذہ شریک تھے۔ ڈائریکٹر پبلک ریلیشنز توصیف صبیح گوندل نے وفد کو ادارے کی کارکردگی بارے بریفنگ دی۔وفد کو پاکستان میں پولیس کے پہلے ویب چینل بارے بریفنگ دی گئی اور مختلف شعبہ جات کا دورہ بھی کروایا گیا۔طلباء کو عوامی آگاہی کیمپئن، میڈیا مینجمنٹ اور ویمن سیفٹی ایپ بارے بتایا گیا۔ ڈائریکٹر پبلک ریلیشنز توصیف صبیح گوندل نے وفد کو بتا یا کہ پرائیویٹ کیمروں کی انٹیگریشن سے سیف سٹی کا دائرہ کار بڑھایا جا رہا ہے۔پنجاب پولیس ویمن سیفٹی ایپ 2 لاکھ سے زائد خواتین انسٹال کر چکی ہیں۔وفد میں شریک اساتذہ نے کہا کہ پاکستان میں کرکٹ کی بحالی کیلئے سیف سٹیز اتھارٹی کا کردار ناقابل فراموش ہے۔جرائم کی روک تھام اور پولیس کے ایکٹو رسپانس کیلئے سیف سٹیز کا انفراسٹرکچر پورے ملک تک پھیلانا چاہیے۔ خواتین کو تحفظ فراہم کرنے کیلئے بنائی گئی ویمن سیفٹی ایپ ضرور ڈاؤن لوڈ کریں گی۔