لاہور(سپورٹس رپورٹر)قومی ٹیم کے فاسٹ باﺅلر شاہنواز دھانی پرانی یادیں تازہ کرنے لاڑکانہ میں اپنے سکول پہنچ گئے۔سوشل میڈیا پر وائرل تصاویر میں دیکھا جاسکتا ہے کہ شاہنواز دھانی بچوں کے ہمراہ کلاس میں بینچز پر بیٹھے ہیں۔دھانی نے لکھا کہ ' میرے لیے یہ اعزاز کی بات ہے کہ میں اپنے پرائمری سکول آیا، استاد اور شاگردوں سے ملاقات کی۔
 والد پرائمری کے بعد میری فیس ادا نہیں کرسکتے تھے اس لیے میں نے اس سکول سے چھٹی کلاس تک تعلیم حاصل کی اور پھر میں نے سرکاری سکول میں داخلہ لیا۔دھانی نے لکھاکہ اس کے بعد میں نے انٹر میڈیٹ اور پھر کامرس میں بیچلرز مکمل کیا۔