کراچی (آئی این پی ) ایم کیو ایم پاکستان کے رہنما بابر غوری غیر ملکی پرواز سے وطن واپس پہنچ گئے۔ ای کے 606 کے ذریعے دبئی سے کراچی پہنچے۔ انکی اہلیہ بھی ہمراہ ہیں، ضمانت پر ہونے کی وجہ سے امیگریشن کلیئرنس کے بعد بابر غوری اپنے گھر چلے گئے۔
 ایف آئی اے حکام کے مطابق بابرغوری کو حفاظتی ضمانت ملنے کے باعث انہیں حراست میں نہیں لیا گیا ہے، ان کے خلاف ایف آئی اے میں ٹیرر فنانسنگ اور منی لانڈرنگ کے تحت مقدمات درج ہیں جبکہ بابرغوری کے خلاف نیب میں بھی کراچی پورٹ میں غیرقانونی بھرتیوں کی تحقیقات جاری ہیں۔ سابق وفاقی وزیر بابر غوری 2015 سے بیرون ملک تھے اور وہ 7 سال بیرون ملک مقیم رہے، بابر غوری 2015 کے بعد 4 جولائی 2022 کو وطن واپس لوٹے تھے اور اس موقع پر انہیں پولیس نے کراچی ایئرپورٹ سے ہی حراست میں لے لیا تھا۔ بابرغوری کو اشتعال انگیز تقاریر میں سہولت کاری کے الزام میں گرفتار کیا گیا تھا۔
بابر غوری واپس