اوکاڑہ، سڑک کنارے کھڑی خراب ٹرالی سے وین کی ٹکر،  4 جاں بحق 

اوکاڑہ؍ صدر گوگیرہ (نامہ نگاران) فیصل آباد روڈ ینگ پور کے قریب سڑک کنارے کھڑی خراب ٹریکٹر ٹرالی سے مسافر وین اور ٹرک ٹکرا جانے سے کوچ میں سوار چار افراد جاں بحق جبکہ چار افرد شدید زخمی ہو گئے۔ فیصل آباد سے اوکاڑہ آنے والی مسافر کوچ  ٹریکٹر ٹرالی سے  ٹکرائی، اسی دوران پیچھے سے آنے والا ٹرک مسافر وین سے ٹکرا گیا۔ حادثہ کے نتیجہ میں چار افراد موقع پر ہی جاں بحق ہو گئے۔ تین زخمیوں کی حالت  تشویشناک، حادثہ کی تحقیقات کی جا رہی ہیں۔ پولیس کی ابتدائی تحقیقات کے مطابق حادثہ خراب ٹریکٹر ٹرالی کے سڑک کنارے کھڑے ہونے کے باعث پیش آیا ہے۔ جانبحق ہونے والے افراد میں سعدی احمد ولد جلال دین (24 سال ) موضع دھوتا، شہزاد ولد شہادت علی (24 سال )، شازیہ دختر شہادت علی (21سال )، شہادت علی (50 سال ) اور  جو  بنگلہ گوگیرہ کے رہائشی تھے۔