راولپنڈی(اپنے سٹاف رپورٹر سے)ڈکیتی اور چوری کی وارداتوں میں شہری لٹ گئے تھانہ نصیر آباد کو مسرت احمد نے بتایا کہ سہام میں تین مسلح ڈاکوں نے اسلحہ کی نوک پرمجھ سے ساڑھے تین ہزار روپے ،زیرو میٹر موٹر سائیکل ،موبائل فون چھین لئے تھانہ آر اے بازار کو رضوان الحق نے بتایا کہ دو مسلح موٹر سائیکل سوار مجھ سے 12ہزار روپے کی نقدی اور موبائل فون چھین کر فرار ہوگئے تھانہ روات کو قمر نے بتایا کہ ڈھوک میجر میں میری دکان سے دس ہزار روپے ،17ہزار روپے مالیتی سامان چوری ہوگئے تھانہ سول لائن کو روزی سحر نے بتایا کہ آن لائن کیب کے ڈرائیور نے میرے پرس سے دس ہزار روپے اور موبائل فون چوری کر لئے تھانہ ائر پورٹ کو ظفر عباس خان نے بتایا کہ گلریز میں مجھ سے 35ہزار روپے چھین لئے گئے

 تھانہ گنجمنڈی کو ارشد حمید بٹ نے بتایا کہ راجہ بازار سے میرا موٹر سائیکل نمبر MM 064 چوری ہوگیا تھانہ صادق آباد کو عبد الصبور نے بتایا کہ میرا 125 موٹر سائیکل نمبر ADR 125 چوری ہوگیا تھانہ وارث خان کو فیض اللہ شاہ نے بتایا کہ امر پورہ سے میرا موٹر سائیکل نمبر CDL 644چوری ہوگیا تھانہ کینٹ کو عبداللہ خان نے بتایا کہ پونچھ ہاؤس سے میرا موٹر سائیکل نمبر CLP 143 چوری ہوگیا تھانہ سٹی کو سید حامد علی شاہ نے بتایا کہ کالج روڈ سے میراموٹر سائیکل نمبر RIL 2885 چوری ہوگیا ۔