کراچی (اسٹاف رپورٹر) جامعہ کراچی کے شعبہ بین الاقوامی تعلقات کے زیراہتمام معروف اسکالرڈاکٹر فرحان حنیف اور محمد ندیم مرزا کی مشترکہ
 تصنیف بعنوان 'انٹروڈیوسنگ انٹرنیشنل ریلیشنزکی رونمائی چائنیز ٹیچرزمیموریل آڈیٹوریم جامعہ کراچی میںکی گئی۔آئی بی اے ایگزیکٹو ڈائریکٹر سید اکبر زیدی نے گلوبل ساؤتھ کے تناظر میں اپنی گفتگو کے ذریعے بین الاقوامی تعلقات کو سمجھنے کی ضرورت پر زور دیا۔ اسکول آف پولیٹکس اینڈ انٹرنیشنل ریلیشنز قائداعظم یونیورسٹی اسلام آباد کے ایسوسی ایٹ پروفیسرڈاکٹر فرحان حنیف صدیقی نے کہا کہ اس کتاب کا مقصد طلبہ کو ایک جامع تعلیمی تجربہ فراہم کے ساتھ ساتھ سیکھنے اورآزادتنقیدی سوچ کو فروغ دیناہے۔چیئر مین شعبہ بین الاقوامی تعلقات جامعہ کراچی ڈاکٹر نعیم احمد نے کہا کہ یہ کتاب نہ صرف انڈر گریجویٹ طلباءکے لیے ایک اہم نصابی کتاب ہے بلکہ سینئر اور پوسٹ گریجویٹ امیدواروں کے لیے بھی ایک قیمتی ذریعہ ہے۔ رئیس کلیہ فنون وسماجی علوم جامعہ کراچی پروفیسر ڈاکٹر شائستہ تبسم نے کہا کہ ”انٹروڈیوسنگ انٹرنیشنل ریلیشنز“کے عنوان سے یہ کتاب بین الاقوامی تعلقات کے موضوع کے لیے نصابی کتاب کا لازمی مقصد پورا کرتی ہے، جوآئی آرکے نظم و ضبط میں زبردست شراکت ہے۔جامعہ کراچی کے شعبہ بین الاقوامی تعلقات کے سابق چیئرمین پروفیسر ڈاکٹر سکندر مہدی نے کتاب میں گفتگو کو موثر طریقے سے کور کرنے پر مصنفین کی تعریف کی۔ تقریب رونمائی میں معزز مہمان مقررین اور پینلسٹس نے نہ صرف کتاب میں پیش کیے گئے تصوراتی فریم ورک کی اہمیت کو تسلیم کیا بلکہ ان مسائل کی اہمیت کو بھی اجاگر کیا جن پر بحث کی گئی۔ جامعہ کراچی کے شعبہ بین الاقوامی تعلقات کی اسسٹنٹ پروفیسر ڈاکٹر نوشین وصی نے کہا کہ یہ کتاب بین الاقوامی تعلقات میں نظریہ اور عمل کے درمیان فرق کوموثر طریقے سے ختم کرتی ہے، اور ایک مشترکہ چیلنج سے نمٹتی ہے۔