بلوچستان کے شہر کوئٹہ اور جعفرآباد میں بم دھماکوں کے واقعات پیش آئے ہیں۔کوئٹہ میں اسپنی روڈ کے قریب دھماکے میں ایک شخص جاں بحق جبکہ دو افراد زخمی ہوگئے۔ پولیس نےعلاقے کو گھیرے میں لے لیا اور بم ڈسپوزل اسکواڈ جائے وقوعہ پہنچ گیا۔اسی طرح ضلع جعفرآباد کے علاقے ڈیرہ اللہ یار میں کریکر دھماکہ ہوا ہے، جس کے نتیجے میں 4 افراد زخمی ہوگئے۔پولیس کے مطابق دھماکا قومی شاہراہ پر ہوٹل کے قریب ہوا۔دھماکے میں زخمی چاروں افراد کو اسپتال منتقل کردیا ہے۔دوسری جانب پنجگور میں وشبود کےعلاقے سے دو افراد کی لاشیں ملی ہیں۔پولیس کا کہنا ہے کہ دونوں افراد کو فائرنگ کرکے قتل کیا گیا ہے۔