ہمیشہ کی طرح اس مرتبہ بھی نئےسال کوخوش آمدید کہنے کا آغاز نیوزی لینڈ اورآسٹریلیا سے ہوا۔آکلینڈ میں سال نوکی تقریبات کے آغاز پر کی جانے والی آتش بازی نے ماحول کو سحر انگیز بنادیا ۔ جبکہ سڈنی کے ساحل پرآتش بازی کا شاندارمظاہرہ کرکے دوہزارگیارہ کوخوش آمدید کہا گیا۔ روس کے دارالحکومت ماسکو میں بھی نئے سال کی آمد پر شاندار آتش بازی کا مظاہرہ کیا گیا ۔، دبئی میں بھی سال نو کے موقع پر رنگا رنگ تقریبات کا اہتمام اورآتش بازی کی گئی ۔لندن میں بھی نئے سال کا شاندار طریقے سے استقبال کیا گیا ،خراب موسم اور پروازوں کی منسوخی کی وجہ سے سیکڑوں افراد اپنی من پسند جگہ پر نیوایئر تقریبات میں شرکت کرنےسے محروم رہے۔