لاہور (سپورٹس ڈیسک) آئی سی سی نے نئی ٹیسٹ رینکنگ جاری کر دی ، سٹیون سمتھ، بیٹنگ اور ایشوین بائولنگ میں نمبر ون پوزیشن حاصل کرنے میں کامیاب ہو گئے جبکہ پاکستانی کپتان مصباح الحق کو ایک درجہ ترقی کے ساتھ نویں پوزیشن مل گئی۔بیٹنگ فہرست میں سٹیو سمتھ کی 3 درجے ترقی کر کے نمبر ون ہو گئے ، یونس خان کی چھٹی پوزیشن برقرار ہیں جبکہ مصباح الحق کی ایک درجہ ترقی پا کر نویں نمبر کے بیٹسمین بن گئے ، بولنگ کے شعبے میں ایشوین نے ایک درجہ ترقی کر کے پہلی پوزیشن حاصل کر لی ، ڈیل سٹین تنزلی کا شکار ہو کر دوسرے نمبر کے بولر بن گئے جبکہ قومی لیگ سپنر یاسر شاہ ایک درجہ تنزلی کے بعد تیسرے سے چوتھے نمبر پر چلے گئے۔پاکستان کی طرف سے بولنگ کے ٹاپ 10 میں یاسر شاہ کے علاوہ کوئی بائولر شامل نہیں۔