چنیوٹ (نامہ نگار) سجے سنوار اونٹوں پر شہری کی بارات عوامی توجہ کا مرکز بن گئی۔ محلہ رشید آباد نزد سٹیشن ریلوے کے مرزا نذیر بیگ کے بیٹے محمد یاسر نذیر اٹلی والے کی شادی اونٹوں پر بارات لیکر جانا توجہ کا مرکز بن گئی۔ محلہ رشید آباد سے سبحان شادی ہال سیٹلائٹ ٹائون میں اونٹوں پر گئی۔ 20 اونٹوں کو بڑے دلفریب انداز میں سجایا گیا۔ دولہا کار پر سوار تھا۔ اس موقع پر شہریوں کی بڑی تعداد اس دلفریب منظر کو دیکھنے کیلئے امڈ آئی۔ باراتیوں نے بھی عربی لباس زیب تن کررکھے تھے۔