وہاڑی( نامہ نگار) آر پی او ملتا ن کی ہدایات کے مطابق ضلع بھر میں ٹریکٹر ٹرالیوں اور سلو موونگ ٹریفک پر ریفلیکٹر ز لگوائے جا رہے ہیںتاکہ دھند کے موسم میں حادثات سے بچا جاسکے ڈرائیورز دھند میں فوگ لائٹس کا استعمال کریں ان خیالات اظہار ٹریفک سارجنٹ حاجی محمد ارشد نے ڈرائیور حضرات سے گفتگو کرتے ہوئے کیاانہوں نے کہا کہ ٹریفک قوانین کا احترام مہذب قوموں کا شیوہ ہے اور ٹریفک قوانین پر عمل کرکے ہی حادثات سے بچا جاسکتا ہے والدین کم عمر بچوں کو گاڑی ہرگز نہ چلانے دیںتاکہ ان کی زندگی اور روڈ پر موجود دوسرے لوگوں کی زندگیاں محفوظ بنائی جا سکیں او ر ہیوی وہیکلز کے ڈرائیور حضرات لائن کی صورت میں سفر طے کریںاور غیر ضروری اوور ٹیکنگ سے گریز کیا جائے۔ بعدازاں ٹریفک قوانین کی بارے شعور اجاگر کرنے کیلئے واک بھی کی گئی۔