مارٹن گپٹل ٹی 20 میں تلکرتنے دلشان کے زیادہ رنز کا ریکارڈ توڑنے کےقریب

آکلینڈ (اے پی پی) نیوزی لینڈ کرکٹ ٹیم کے مایہ ناز بلے باز مارٹن گپٹل کو ٹی 20 انٹرنیشنل میں تلکرتنے دلشان کے زیادہ رنز کا ریکارڈ توڑنے کیلئے 28 رنز درکار ہیں، توقع ہے کہ وہ ویسٹ انڈیز کے خلاف جاری ٹی 20 سیریز میں یہ اعزاز حاصل کرنے میں کامیاب ہو جائیں گے۔ مارٹنل گپٹل 65 میچ کھیل کر 1861 رنز کے ساتھ چوتھے نمبر پر ہیں جبکہ سری لنکا کے سابق کپتان تلکرتنے دلشان نے 80 میچوں میں 1889 رنز بنائے۔ نیوزی لینڈ کے سابق کپتان برینڈن میک کلم 2140 رنز کے ساتھ سرفہرست ہیں۔