کراچی(اسپورٹس رپورٹر) سندھ اسپورٹس بورڈ قائداعظم اسپورٹس ویک میں رولنگ اسکیٹنگ اور ٹیبل ٹینس مقابلے مکمل ہوگئے‘ سندھ اسپورٹس بورڈ کمپلیکس ناظم آباد میں ہونے والے رولنگ اسیٹنگ بوائز مقابلوں میں لحہ سرفراز نے عمدہ کارکردگی کا مظاہرہ کرتے ہوئے پہلی پوزیشن پر قبضہ جمایا‘ شاہ راج نے دوسری جبکہ ایم شریم نے تیسری پوزیشن حاصل کی‘ گرلز مقابلوں میں شبرا نے اپنی کارکردگی سے متاثر کرتے ہوئے پہلی پوزیشن ہاصل کی ‘راویہ دوسری اور ڈیشا نے تیسری پوزیشن پر رہیں۔اسپورٹس کمپلیکس ناظم آباد کے ٹیبل ٹینس کورٹ میں ہونے والے گرلز مقابلوں کے فائنل میں کئی مرتبہ کی چیمپیئن حریم انور کو قرات مجتبیٰ نے انتہائی اعصاب شکن مقابلے کے بعد5-4سیٹ سے شکست دے کر فاتح ٹرافی اپنے شوکیس کی زینت بنالی حریم انور دوسرے نمبر پر رہیں جبکہ تیسری پوزیشن کا مقابلہ عائشہ ظفر نے جیت لیا‘ ٹیبل ٹینس بوائز مقابلوں کا فائنل شہرت یافتہ صائم عدنان نے ارسلان علوی کو2-3سے زیر کرکے اپنے نام کیا‘ دراب احمد تیسری پوزیشن پر رہے‘ فاتح کھلاڑیوں کو اختتامی تقریب میں میڈلز‘ میرٹ سرٹیفکیٹ اور نقد انعامات تقسیم کئے جائیں گے۔