ٹی این ایف جے ضلع راولپنڈی کااظہارتعزیت

راولپنڈی(اپنے سٹاف رپورٹر سے) تحریک نفاذ فقہ جعفریہ ضلع کونسل راولپنڈی کے صدر زوارعلی ابوذر چوہان ،نائب صدرسیدمہدی الحسینی ،جنرل سیکرٹری قاضی وفاعباس ، فنانس سیکرٹری راجہ خلیل عباس، ضلعی پریس سیکرٹری سیدجون علی مشہدی ، علامہ سیدقارحسین نقوی پرمشتمل وفدنے ہون تھانہ چونترہ ، مندرہ وردیگرمقامات کے دورے کرکے تنظیمی اجلاسوں سے خطاب کیا۔ وفدنے ہون علاقہ چونترہ میں معروف عزادارراجہ ثمرعباس کے چچا راجہ عبدالقیوم کی رسم چہلم میں شرکت کرکے مرحوم کے پسماندگان سے اظہارتعزیت اورفاتحہ خوانی کی جبکہ مندرہ میں حکیم مخدوم سیددبیرحسین نقوی مرحوم کی رہائش گاہ پران کے فرزندسیدضیاء حسین شاہ ، سیدمحب حسین شاہ سے اظہار تعزیت اورفاتحہ خوانی کی ۔ ٹی این ایف جے کے ضلعی رہنمائوں نے تحریک کے سینئرکارکن مولانا جاوید حسین حیدری کی رہائش گاہ پران کے بڑے بھائی ملک غلام عباس مرحوم کی وفات پردلی اظہارتعزیت اورفاتحہ خوانی کی۔