قومی ویمنز فٹبال چیمپیئن شپ پنجا ب ٹیم، کراچی ککرز کیخلاف آج مد مقابل

لاہور(نمائندہ سپورٹس+سپورٹس رپورٹر ) قومی ویمن فٹ بال چیمپئن شپ کے فائنل رائونڈ میں پنجا ب کی ٹیم، کراچی ککرز کلب کیخلاف قسمت آزمائی کا آغاز آج سے کریگی۔ پنجاب ٹیم کے منیجر رانا محمد اشرف کے بتایاکہ پنجاب کی ٹیم نے تربیتی کیمپ میں بھر پور محنت کررکھی ہے اور ان کھلاڑیوں کو جدید اور اعلی تربیت دی۔ پاکستان فٹ بال فیڈریشن کے زیراہتمام قومی ویمن فٹ بال چیمپیئن شپ کا فائنل رائونڈ یکم جنوری سے کراچی میں شروع ہو گا۔فائنل رائونڈ میں 8 ٹیمیں حصہ لے رہی ہیں جن کو دو گروپوں میں تقسیم کیا گیا ہے ایک گروپ میں جفا کلب کراچی، کراچی یونائیٹڈ کلب، پاکستان واپڈا اور گلگت بلتستان جبکہ دوسرے گروپ میں پنجاب،آرمی، کراچی ککرز کلب اور دیا کلب شامل ہیں۔ سیمی فائنل مقابلے 10 جنوری کو جبکہ فائنل 12 جنوری کو کھیلا جائے گا۔ پنجاب ٹیم اپنے گروپ میں تین میچ کھیلے گی۔ پنجا ب پہلا میچ یکم جنوری کو کراچی ککرز کلب کے خلاف، دوسرا 4 جنوری کو دیا کلب کراچی کے اور آخری تیسرا میچ 7 جنوری کو آرمی کے خلاف کھیلے گی۔