لا ہو ر (نامہ نگار) نولکھا کے علا قے میں خانہ بدوش کی جھگی میں گیس سلنڈ ر زور داردھما کے سے پھٹ گیا‘ آتشزدگی سے2خواتین سمیت 5افر اد جھلس گئے ہیں جبکہ دھماکے کی آواز سے علاقے میں شدید خوف وہراس پھیل گیا ہے۔ بتا یا جاتا ہے، نولکھا کے علا قے میں ریلوے ہیڈ کوارٹر کے قریب بوہڑ والا چوک میں خانہ بدوش کی جھگی میں کھا نے پکا نے کے دوران گیس سلنڈ رزور دار دھماکے سے پھٹ گیا اور آگ بھڑک اٹھی۔ جس کی زد میں آ کر60سالہ بگا، اس کی 50سالہ بیوی خورشید بی بی ، 30سالہ بیٹا صادق جبکہ صادق کا6سالہ بیٹا ذکریہ صادق اور11سالہ بیٹی سائرہ صادق جھلس گئے جنہیں ہسپتال منتقل کر دیا ہے۔ خورشید بی بی کی حا لت تشو یشناک بتا ئی جا تی ہے۔