لاہور (نیٹ نیوز)  لاڑکانہ میں آگ لگنے سے 70   جھونپڑیاں جل گئیں۔ جس کے نتیجے میں 4 سالہ بچے سمیت 2 افراد زندہ جل گئے۔ پولیس  کے مطابق لاڑکانہ کے علاقے شیخ زید کالونی میں واقع جھونپڑیوں میں گزشتہ شب آگ لگنے کا واقعہ پیش آیا۔ 70  جھونپڑیاں جل گئیں۔ پولیس نے بتایا ہے کہ آگ لگنے  سے جل کر 4  سال کے بچے سمیت 2 افراد جاںبحق ہوئے ہیں۔ جن کی نعشیں ہسپتال منتقل کی گئی ہیں۔ نجی ٹی وی چینل کے مطابق سخت سردی سے بچائوکے لئے جھونپٹریوں میں مقیم افراد نے رات کے وقت آگ جلائی تھی۔ بے احتیاطی کی وجہ سے جھونپڑیوں میں آگ بھڑک اٹھی۔ پولیس نے مقدمہ درج کرکے مزید تحقیقات شروع کر دیں۔