اسلام آباد(وقائع نگار خصوصی )چیئرمین سینیٹ محمد صادق سنجرانی کی خصوصی دعوت پر پاکستان کے دورے پر آئے جبوتی کے12 رکنی پارلیمانی وفد نے مری اور نتھیا گلی کا دورہ کیا اور برف سے ڈھکے پہاڑوںکا نظارہ کیا ۔ وفد نے پاکستان کی خوبصورتی کو سراہا ۔اس موقع پر سینیٹر برائے مہمان داری سینیٹر مرزا محمد آفریدی بھی وفد کے ہمراہ تھے ۔ وفد کے اعزاز میں سینیٹر برائے مہمان داری سینیٹر مرزا محمد آفریدی کی جانب سے نتھیا گلی میں ظہرانہ دیا گیا ۔ وفد نے پاکستانی کھانوں کی تعریف کی اور پہاڑی علاقوں کی خوبصورتی کو سراہا ۔