کورونا وائرس،آسٹریلیا  اوربھارتی  ویمنز کرکٹ سیریز ملتوی

سڈنی(پی پی آئی)عالمی وبا کورونا وائرس کے سبب آسٹریلیا اور بھارت کی ویمن کرکٹ ٹیموں کے درمیان ون ڈے سیریز ملتوی کر دی گئی۔کرکٹ آسٹریلیا کے مطابق بھارتی ویمن ٹیم نے آئندہ ماہ آسٹریلیا کا دورہ کرنا تھا،تاہم اب اس ٹور کو اگلے سیزن تک ملتوی کردیا گیا ہے۔چیف ایگزیکٹو کرکٹ آسٹریلیا کاکہنا ہے کہ کورونا وائرس کے پھیلاو کے سبب سیریز اگلے سیزن تک ملتوی کی گئی ہے۔کرکٹ آسٹریلیا کے مطابق سیریز میں تین ون ڈے شامل تھے، تاہم اب اس میں ٹی ٹوئنٹی کو بھی شامل کرنے کا پلان بنایا جائے گا۔