لاہور( سپورٹس رپورٹر ) پاکستان شاہینز نے ٹی ٹونٹی میچ میں کینٹربری کو 7 وکٹوں سے ہرا دیا۔ پاکستان شاہینز نے 170 رنز کا ہدف 18.1 اوورز میں 3 وکٹوں کے نقصان پر حاصل کر لیا۔ روحیل نذیر 69 اور حسین طلعت 53  رنز بنا کر ناٹ آؤٹ رہے۔ کینٹربری کے شین ڈیوی نے 1 وکٹ حاصل کی۔ کینٹربری کی ٹیم نے مقررہ بیس  اوورز میں 5 وکٹوں کے نقصان پر 169 رنز بنائے تھے۔ ٹائلر لورٹن 51 رنز بنا کر آؤٹ ہوئے، چیمبر لین 66 رنز بناکر ناٹ آؤٹ رہے تھے۔ حارث رؤف نے دو وکٹیں حاصل کی تھیں۔ دونوں ٹیموں کے مابین ٹی ٹونٹی میچ لنکن، کرائسٹ چرچ میں کھیلا گیا۔ پاکستان شاہینز کی ٹیم اپنا چوتھا ٹی ٹونٹی میچ تین جنوری کو نیوزی لینڈ الیون کے خلاف کھیلے گی