لاہور(نامہ نگار)پنجاب سیف سٹیز اتھارٹی نے نیو ائیر نائٹ پر ہلڑ بازی کرنے والوں کے خلاف سپیشل مانیٹرنگ ٹیمیں تشکیل دی تھیں۔ تفصیلات کے مطابق پنجاب سیف سٹیز اتھارٹی نے ون ویلنگ، ہوائی فائرنگ اورہلڑ بازی کرنے والوں کی نشاندہی کی اورقانون کی خلاف ورزی کرنے والوں کے خلاف لاہور پولیس کی معاونت سے ون ویلنگ اور ہلڑ بازی کرنے والوں کے خلاف کارروائی عمل میں لائی گئی۔نیو ایئر پرشہربھر میں ہونے والی دعائیہ تقریبات کی مانیٹرنگ بھی کی گئی۔کیمروں کی مدد سے اہم شاہراؤں اورداخلی و خارجی راستوں پر بھی نظر رکھی گئی۔