لاہور(سپورٹس ڈیسک ) مانچسٹر سٹی فٹ بال کلب کے دفاعی کھلاڑی جوائو کنیسلو ڈکیتی مزاحمت پر زخمی ہوگئے۔ رپورٹ کے مطابق ڈاکوئوں کے گروہ نے ان کے گھر پر حملہ کردیا تھا ‘وہ اس وقت فیملی کے ساتھ گھر پر موجود تھے ۔ مزاحمت پر انہیں تشدد کا نشانہ بنایا گیا ۔ ان کے چہرے پر زخم آئے ہیں ۔ 28سالہ فٹبالر نے اپنے زخمی ہونے کی تصاویر بھی سوشل میڈیا پر شیئر کی ہیں ۔ انہوںنے کہا کہ بد قسمتی سے چار ڈاکو ان کے گھر گھس آئے جنہوں نے تشدد کیا ‘میری فیملی کو بھی زخمی کرنے کی کوشش کی ۔