لاہور(سپورٹس رپورٹر)آئی سی سی کے سالانہ ایوارڈز کے بعد پاکستانی ستاروں نے کرکٹ آسٹریلیا کے بہترین پلیئرز میں بھی دھوم مچا دی۔کرکٹ آسٹریلیا کی ٹیسٹ ٹیم آف دی ایئر میں پاکستان ٹیم کے تین کھلاڑی شامل ہیں۔ میڈل آرڈربیٹسمین فواد عالم، شاہین شاہ آفریدی اور حسن علی سال کی بہترین ٹیسٹ ٹیم کاحصہ بن گئے۔ٹیم میں بھارت کے چار کھلاڑی بھی شامل ہیں جبکہ آسٹریلیا کے صرف مارنس لبوشین ٹیسٹ ٹیم آف دی ایئر کا حصہ بنے۔نیوزی لینڈ، انگلینڈ اور سری لنکا کا ایک ایک کھلاڑی کرکٹ آسٹریلیا کی ٹیسٹ ٹیم میں شامل ہو سکا۔آسٹریلوی بورڈ کی جانب سے بہترین کھلاڑیوں پر مشتمل ٹیسٹ میں روہت شرما، کرونا رتنے، مارنس لبوشین، جوروٹ، فوادعالم، رشبھ پانت، ایشون، کائل جیمیسن، اشرپٹیل، حسن علی، شاہین شاہ آفریدی شامل ہیں ۔