پاکستان کے محمد رضوان ‘ شاہین آفریدی گار فیلڈ سوبرز ٹرافی کیلئے نامزد

لاہور(سپورٹس رپورٹر)آئی سی سی نے گار فیلڈ سوبرز ٹرافی کیلئے پلیئر آف دی ایئر کی نامزدگیوں کا اعلان کر دیا ۔ انگلینڈ کے جو روٹ اور نیوزی لینڈ کے کین ولیمسن کو نامزد کیا گیا ہے۔پاکستان کے محمد رضوان اور شاہین شاہ آفریدی بھی شامل ہیں۔محمد رضوان نے اس سال سب سے زیادہ 1915 انٹرنیشنل رنز بنائے جبکہ جو روٹ سال بھر میں 1855 انٹرنیشنل رنز بنا سکے۔ اس کے علاوہ رضوان نے ٹی ٹونٹی انٹرنیشنل میں ریکارڈ 1326 رنز ایک سال میں بنائے۔شاہین شاہ آفریدی نے اس سال سب سے زیادہ 78 انٹرنیشنل وکٹیں لیں، قومی فاسٹ بائولر نے ٹیسٹ میچز میں 47، ٹی ٹونٹی میں 23 اور ون ڈے میچز میں 8 وکٹیں لیں۔