چین اورازبکستان کے نئے وزراءخارجہ کو بلاول کی مبارکباد

اسلا م آبا د (خصوصی نامہ نگار)وزیر خارجہ بلاول بھٹو زرداری نے چین کے نئے وزیر خارجہ اوئن گینگ اور سیدوف بختیاروف کو ازبکستان کا قائم مقام وزیرخارجہ مقرر ہونے پر مبارکباد دی۔ ٹویٹر پیغام میں کہا کہ وہ پاکستان اور چین کے درمیان سدا بہار تزویراتی باہمی شراکت داری کو نئی بلندیوں تک لے جانے کیلئے اوئن گینگ کے ساتھ مل کرکام کرنے کے خواہشمند ہیں۔سیدوف بختیاروف کو ازبکستان کا قائم مقام وزیرخارجہ مقرر ہونے پر مبارکباد دیتے ہوئے بلاول بھٹو زرداری نے اپنے دورہ ثمر قند کے موقع پر پرتپاک خیرمقدم کیا۔وزیر خارجہ نے کہا کہ وہ مختلف شعبوں میں دونوں ملکوں کے درمیان دوطرفہ تعلقات مستحکم کرنے کے لئے ازبکستان کے اپنے ہم منصب کے ساتھ مل کرکام کرنے میں گہری دلچسپی رکھتے ہیں۔دریں اثناءچیئرمین پیپلزپارٹی بلاول بھٹو زرداری نے پارٹی کی خاتون راہنما شہزادی کوثر گیلانی کے بھائی پی پی پی نیویارک کی سنیئر نائب صدر سیمی اسد سے تعزیت کا اظہار کرتے ہوئے مرحومین کی مغفرت اور لواحقین کے لیے صبرجمیل کی دعا کی۔ 
 بلاول