لاہور(خصوصی نامہ نگار) جامعہ اشرفیہ لاہور میں عمرہ پر جانے والے حضرات کے لیے ماہانہ عمرہ تربیتی پروگرام آج صبح 11 بجے سے نماز ظہر تک منعقد ہوگا جس میں احرام باندھنے، طواف، سعی، حلق / قصر کے طریقے، مدینہ منورہ کے فضائل اور روضہ اقدس پر حاضری کے آداب کے حوالہ سے جامعہ اشرفیہ لاہور کے مہتمم و شیخ الحدیث حضرت مولانا حافظ فضل الرحیم اشرفی اور پروفیسر مولانا محمد یوسف خان سمیت دیگر علماء خطاب کریں گے ۔عمرہ تربیتی پروگرام میں خواتین کے لیے بھی باپردہ شرکت کا اہتمام ہے۔