کراچی (اسٹاف رپورٹر) قومی کرکٹ ٹیم کے سابق کپتان وسیم اکرم کی اہلیہ شنیرا اکرم نے سندھ پولیس کو کراچی کے علاقے ڈیفنس میں ٹریفک قوانین کی سنگین خلاف ورزی کی شکایت لگادی۔سماجی رابطے کی ویب سائٹ ٹوئٹر پر شنیرا اکرم نے لکھا کہ فیز 8 میں تین سے چار کم عمر بچے خطرناک طریقے سے گاڑی چلارہے ہیں اور ریس بھی لگاتے ہیں۔شنیرا اکرم نے علاقے میں ہونے والے ایک روڈ حادثے کا ذکر کرتے ہوئے بتایا کہ دو 14 سالہ بچوں نے ایک گاڑی کو ٹکر ماری جس میں موجود ماں اور بیٹی زخمی ہوگئے۔شنیرا اکرم کے مطابق اس حادثے میں زخمی ہونے والی ماں اور بیٹی اسپتال میں تشویش ناک حالت میں زیر علاج ہیں۔انہوں نے اپنے پیغام کے ساتھ ٹریفک حادثے کی تصاویر بھی شیئر کیں۔شنیرا اکرم نے اپنے پیغام میں سندھ پولیس اور دیگر حکام کو بھی ٹیگ کیا۔
 شنیرا اکرم شکایت