ممتاز صحافی مدثر مرزا 70 سال کی  عمر میں انتقال کر گئے

کراچی (اسٹاف رپورٹر) ممتاز صحافی مدثر مرزا 70 سال کی عمر میں انتقال کر گئے، مرحوم طویل عرصے سے روزنامہ جنگ کراچی سے وابستہ تھے۔ ان کی نماز جنازہ اتوار کوادا کی جائے گی ۔مدثر مرزا جمعہ کی رات کاپی فائنل کر کے رات گئے گھر گئے تھے، ان کے اہلخانہ لاہور گئے ہوئے ہیں جبکہ وہ گھر پر اکیلے تھے۔ مسلسل رابطہ کرنے کے باوجود ان کا فون اٹینڈ نہیں ہوا تو پڑوسیوں نے گھر پہنچ کر کمرے کا دروازہ توڑ کر انہیں باہر نکالا تو وہ حیات نہ تھے۔ مرحوم کے بیٹے کے مطابق نماز جنازہ اور تدفین بہن کی بحرین سے آمد کے بعد اتوار کو ہو گی۔