خانیوال(رضاقادری سے) ہیپی نیو ائیرنائٹ پر ڈکیتیوں کی ہیٹرک۔ بارہ بجے سے قبل ایک گھنٹے میں ڈکیتی کی تین وارداتیں,پولیس کے ناکے بھی کام نہ آسکے۔تفصیل کے مطابق پولیس نے نیو ائیر نائٹ کو پرامن بنانے کیلیے سخت انتظامات کیے  ہیپی نیو ایئر نائٹ منانے والوں کے خلاف آہنی ہاتھوں سے نمٹنے کے لیے شہر میں پولیس مارچ بھی کیا گیا۔مگر ڈاکووں نے ڈکیتی کی تین وارداتیں کرکے جہاں نئے سال کو ویلکم کہاں وہاں پولیس کے تمام انتظامات کی قلعی بھی کھل گئی۔ڈاکووں نے 27آر کے قریب سے دیہاتی سے موٹر سائیکل اور 40ہزار نقدی ,دوسری واردات 157/10آر میں عاشق حسین سے نقدی اور موبائل فون جبکہ تیسری واردات میں 152/10آر میں ناظم علی سے 60ہزار روپے چھین لیئے اور فرار ھوگئے۔ڈاکووں نے بارہ بجے سے قبل تین وارداتیں کرکے ہیپی نیو ائیر منالیا مگر دیکھنا یہ کہ پولیس انہیں پکڑنے میں کب کامیاب ہوتی ہے۔