سابق سیکرٹری ایگریکلچر ویسٹ ایم شفیع نیاز انتقال کرگئے، راولپنڈی میں سپردخاک

ملتان( خبر نگار خصوصی)  سابق سیکرٹری ایگریکلچر ویسٹ پاکستان، رکن فوڈ اینڈ ایگریکلچر آرگنائزیشن ، فاونڈر چیئرمین آف ایگریکلچر پرائس کمیشن، رکن نیشنل سکیورٹی کونسل، اور ایڈوائزر فوڈ اینڈ ایگریکلچر ایم شفیع نیاز گزشتہ روز راولپنڈی میں وفات پاگئے۔وہ میاں مشتاق احمد کے بڑے بھائی تھے۔ ان کی عمر 105سال تھی۔ مرحوم کی نمازہ جنازہ راولپنڈی میں ادا کی گئی اور بعدازاں سپرد خاک کر دیا گیا۔ ان کی نماز جنازہ میں سیاسی، سماجی، مختلف سرکاری محکموں کے افسروں، اہلکاروں، سیمت علاقہ کی اہم شخصیات اور ان کے عزیز اقارب نے کثیر تعداد میں شرکت کی۔ ایم شفیع ایک قابل ایگریکلچرسٹ اور علمی شخصیت کے حامل تھے۔ان کی زراعت پر مضبوط گرفت تھی۔ انہوں منصوبہ بندی، ڈویلپمنٹ اور جائزہ سے متعلق مختلف پالیسی سازی میں اہم کردار ادا کیا۔ انہوں ملک کے مختلف محکموں میں اہم عہدوں پر کامیابی سے فرائض انجام دیے۔ انہوں نے پرائسنگ آف فارم پروڈیوس ان پاکستان، کے نام سے کتاب بھی لکھی اور کے علاوہ ان کے  دو سوسے زائد مکالے اور مضامین بھی شائع ہوئے۔  ان کی ملکی و قومی خدمات کے اعتراف میں حکومت پاکستان کی طرف سے انہیں ستارہ خدمت اور تمغہ امتیاز سے نوازا گیا۔اس کے علاوہ انہیں مختلف قومی و بین الاقوامی اداروں اور تنظیموں کی طر ف سے دو درجن سے زئد ایوارڈ دیے گئے۔