یو ایس ایڈ کا پاکستان کو 44 کروڑ 56 لاکھ ڈالر گرانٹ دینے کا اعلان

اسلام آباد(نیٹ نیوز) یو ایس ایڈ کی جانب سے  پاکستان کو 44 کروڑ 56 لاکھ ڈالرزگرانٹ فراہم کرنے کا اعلان کردیا گیا۔ یو ایس ایڈ کی جانب سے جاری اعلامیے کے مطابق 44 کروڑ 56 لاکھ ڈالرز کی گرانٹ پانچ سالہ دو طرفہ ترقیاتی امدادی معاہدے کے تحت مہیا کی جائے گی۔ اعلامیے میں کہا گیا ہے کہ امریکا نے 2023 میں سیلاب متاثرین کے لیے پاکستان کو 21 کروڑ 50 لاکھ ڈالر فراہم کیے۔ یو ایس ایڈ کے تعاون سے صحت کے شعبے میں 3 کروڑ ڈالرز فراہم کیے گئے جبکہ سیلاب سے متاثرہ طلبہ میں 600 سے زائد سکالر شپس فراہم کی گئیں۔ اسی طرح سندھ میں 100 سکولوں کی تعمیر کا سنگ میل عبور کیا گیا، جبکہ سندھ بیسک ایجوکیشن پروگرام کے تحت 2024 تک 80 ہزار طلبہ مستفید ہوں گے۔