لاہور ( خصوصی نامہ نگار ) سید عرفان مشہدی نے کہا ہے سیدنا صدیق اکبر کا دور خلافت ہم سب کیلئے راہ عمل ہے۔ 8ویں سالانہ شہنشاہ صداقت ریلی سے احسان گیلانی، ارشد گردیزی، ضمیر الحسن مشہدی کاخطاب۔ ناظم اعلیٰ مرکزی جماعت اہل سنت پیر سید عرفان شاہ مشہدی نے کہا ہے حکمران سیدنا صدیق اکبر کے دور حکومت سے رہنمائی حاصل کریں۔ آپ کا دور خلافت ہر دور کے حکمران کیلئے نمونہ ہے۔ آپکی تعلیمات لائق تقلید ہیں۔ آپ نائب رسول ہیں۔ خلیفہ عادل ہیں۔ ان خیالات کا اظہار انہوں نے نے میلاد مناؤ تحریک کی طرف سے نکالی گئی 8 ویں سالانہ شہنشاہ صداقت ریلی سے خطاب کے دوران کیا جس میں علماء کرام اور عوام کی کثیر تعداد شریک تھی۔