حافظ آباد(نمائندہ نوائے وقت+نمائندہ خصوصی) گورنمنٹ گرلز ماڈل ہائر سیکنڈری سکول حافظ آباد کی ہونہار طالبات ہمنا ارشاد اور سمعانوید نے آل پاکستان انٹربورڈ زبیڈ منٹن سپورٹس گالہ کے مقابلہ جات میں فسٹ پوزیشن حاصل کر لی ۔ ہمنا ارشاد اور سمعا نوید جنکا تعلق نواحی قصبہ ونیکے تارڑ سے ہے ۔انہوںنے فائنل مقابلہ میں لاہوربورڈ کی طالبات کو ہراکر بیڈ منٹن کے مقابلہ جات میں پاکستان چیممپئن بننے کا اعزاز حاصل کر لیا۔ جس پرانہیں گولڈ میڈل اور تعریفی سرٹیفکیٹ دیا گیا۔ دوسری جانب مقامی بزنس مین قمر رتو نے پاکستان چیمپئن بننے کا اعزاز حاصل کرنے پر دونوں طالبات کو کیش پرائز دیا۔