لندن میں جاری سال کے تیسرے گرینڈ ٹینس سلام ٹورنامنٹ کے کوارٹرفائنل مرحلے میں عالمی نمبر بارہ ٹامس برڈچ نے دفاعی چیمپئن اور ٹاپ سیڈ سوئٹزرلینڈ کے روجرفیڈرر کو دلچسپ مقابلے کے بعد چھ چار، تین چھ، چھ ایک اور چھ چار سے غیر متوقع شکست دی۔
 
سیکنڈ سیڈ سپین کے رافیل نڈال نے سویڈن کے روبن سوڈرلنگ کو سخت مقابلے کے بعد تین چھ، چھ تین، سات چھ اور چھ ایک سے چت کیا۔
 
ادھر سربیا کے نوواک ڈئیوکووچ نے تائیوان کے ین ہن لو کے خلاف کامیابی حاصل کی۔ ڈئیوکووچ  سٹریٹ سیٹس میں چھ تین، چھ دو اور چھ دو سے فتحیاب رہے۔
 
دوسری جانب نمبر چار سیڈ برطانیہ کے اینڈی مرے نے فرانس کے جو ویلفریڈ سونگا کو سخت مقابلے کے بعد چھ سات، سات چھ، چھ دو اور چھ دو سے شکست دے کر ٹاپ فور مرحلے کے لئے کوالیفائی کیا۔