سیالکوٹ شہر کے علاقہ شہاب پورہ میں محلہ امبانوالہ چھپڑی میں امام بارگاہ کے اندر ایک عظیم الشان تقریب منعقد ہوئی۔ جس میں سید سجاد حسین اور علامہ اقبال نقوی سمیت علماءکرام اور اہل تشیع کی کثیرتعداد نے شرکت کی ۔ علماءکرام نے حضرت علی رضی اللہ تعالی عنہ کے حوالے سے اپنے اپنے خیالات کا اظہار کیا اوران کی اسلام کیلئے خدمات کو خراج تحسین پیش کیا ۔ مقررین نے شرکاء سے حضرت علی رضی اللہ تعالی عنہ کی تعلیمات پر سختی سے عمل کرنے کی تلقین بھی کی ۔ تقریب میں اسلام کی سربلندی ، مسلمانوں کے اتحاد اور پاکستان کی ترقی وخوشحالی کیلئے خصوصی دعائیں بھی کی گئیں ۔