لاہور (کلچرل رپورٹر) پاکستانی اداکار بلال اشرف اس وقت اپنی فلم ’یلغار‘ کے باعث شائقین کی توجہ کا مرکز بن رہے ہیں، اور وہ بہت جلد ایک س±پر ہیرو پر مبنی فلم بھی بنائیں گے۔ ایک انٹرویو میں بلال سے سوال کیا گیا کہ وہ فلم ’یلغار‘ کے بعد کس میں کام کرتے نظر آئیں گے تو انہوں نے ایک ایسے پراجیکٹ کا زکر کیا جس پر وہ ہمیشہ سے کام کرنا چاہتے تھے۔ بلال اشرف نے بتایا کہ میں ایک کہانی پر گزشتہ 4 سالوں سے کام کررہا ہوں، یہ فلم تین حصوں میں ریلیز ہوگی کیونکہ میں ایک ساتھ اسے ختم نہیں کرسکتا۔انہوں نے کہا کہ اس کے ہر حصے میں مختلف اداکار ہوں گے ¾یہ ایک ایسی کہانی ہے جسے سوچتے ہوئے میں بڑا ہوا ہوں ¾ میں اس قسم کے خیالات اپنی مرحوم بہن سے شیئر کرتا تھا، اس لیے یہ پراجیکٹ میرے دل کے بہت قریب ہے ¾ میری بہن اس پر کام کرنا چاہتی تھیں تو اس طرح میں کچھ ایسا کر رہا ہوں جو وہ کرنا چاہتی تھیں۔ اس سپر ہیرو فلم کے حوالے سے بلال اشرف نے کہا کہ یہ ویسا س±پر ہیرو نہیں ہوگا جو کاسٹیوم پہنتا ہے بلکہ یہ کافی عام ہوگا، اس کی کہانی کافی اصل ہوگی۔ خیال رہے کہ بلال اشرف اس وقت ’رنگریزا‘ نامی فلم میں بھی عروہ حسین کے ساتھ کام کررہے ہیں، ان کی فلم ’یلغار‘ کو پاکستانی باکس آفس پر ملا جلا ردعمل موصول ہوا ہے۔